ZALEN November 24, 2024 : Excise & Narcotics department (END) chuan January - October, 2024 chhung khan rakzu litre 46,703 leh sapzu um 24,338 an man a. Fruit wine thahnem tak man an nei tawh bawk.

END hian January - October, 2024 chhung khan rakzu litre 40,000 chuang an man bakah zu bilh lai tin 83,862 an man a, zu siamna hmanrua - dawidim/yeast kg 81 an man bawk.

END hian kumin chhung khan sapzu an man zawng zawng chu um 24,338 niin, chungte chu um puitling India rama siam (IMFL) 750 ml 11,913, leh 375 ml um 4,455 leh 180 ml um 7,970 te an ni.

Hengte bakah hian beer 650 ml botle 139, 500 ml can 13,318, foreign atanga lakluh zu bottle 323, foreign atanga lakluh beer bottle 11 bakah, foreign atanga lakluh canned beer can 7,936 bkaah BEDC litre 2958.700, fruit wine litre 55181.300 leh foreign wine bottle 15 te an man bawk.

January - October, 2024 chhung khan END in heroin an man zawng zawng zat chu kg 38.909 a tling a, ganja kg 554.611 man bawkin, Methamphetamine kg 124.427 leh ruihna atana hman theih damdawi chi hrang hrang man an nei.

Zu leh a kaihhnawih vanga lirthei an man zawng zawng zat chu 118 niin, chungte chu two wheeler 41, three wheeler pali, LMV 71, MMV pakhat leh HMV pakhat te an ni.