September 6, 2022; Excise minister Dr. K. Beichhua chuan May ni 27, 2022 ah Millenium Centre atangin beer chi hrang hrang man tel a ni tih sawiin, sawrkarin wine zawrh phalna rules a siam tur chu 'Grape Wine Rules' tih a ni dawn niin a sawi.

Vawiin Assembly session zawhna chhanna hun ah VL. Zaithanzama zawhna leh member dangte zawh belhna chhangin Excise minister chuan, grape atanga wine siam phalna rules chu council of ministers in a pawm tawh a, Law department in a tih tur ang te a tih zawh hunah notication chhuahin, gazzete a nih tur thu a sawi. 

Excise minister sawi danin, May ni 27, 2022 ah MC atangin grape wine bakah, wine chi hrang hrang, Dragon beer, Soju (Korean wine), Dark wine, Kingfishers bear, White soju leh Muhak soju te man tel a ni. 

Excise minister chuan Millenium Centre leh hmun dang atanga grape wine man te chu dan hnuaiah ngaihtuah a nih tur thu leh grape wine man sak neitute Rs. 3,000 chawitir chu MLP Act anga hmalakna a ni tih a sawi.

Member te zawh belhna chhangin excise minister chuan, Grape Growers Society lamin political party 3, Congress, ZPM leh BJP atangin an remtihna an lak thu leh dan angin excise duty tax lak a nih dawn thu te, Mizoram a thar grape chauh a huam dawn a vangin, rampawn atanga grape lakluh te chu wine a tan siam phal a nih dawn loh thu te a sawi bawk.