ZALEN Oct. 3, 2024; Mizoram police ten kum 2017 a an awmpui thattu a puh, Manik Das chu Dumka dist. Jharkhand atangin an man a, nimin khan Aizawl thlenpui a ni.

He thu hi vawiin press conference-ah IGP Lalbiakthanga chuan thuthar thehdarhtute hrilhin, kum 2017 khan Falkland veng, Aizawla Zairema In luah Manik Das (Manoj tia hriat) te chhungkaw awmpui Mangra chu, an in luah chhung-ah lei laikhuarin phum a ni a, hei hi Falkland YMA ten Bawngkawn police an hriattir a, April ni 6, 2017-ah thubuai ziahluh a ni.

Tualthahna a thlen hnuin Manik Das-te chhungkua hian an in luah an chhuahsan nghal a, police hmalakna hi ruang hi endik niin, a thih chhanah thawchham ti a tarlan a ni.

He thil thleng hi chhui zui a nih hnuah Mizoram police te chuan pawikhawihtu hi Manik Das (38) s/o Kisto Das (L) Aamdhari, Dumka District, Jharkhand leh a nupui Anjali Devi an ni tih hriat chhuah an ni a, Kathikund police te puihna in Mizoram police ten an man a, nimin October ni 2, 2024 khan Aizawl thlenpui an ni a, tual an thahna chhan hi chhui chian mek zel a ni.