February 6, 2024; Sawrkar lai ZPM party official facebook account chu tute emaw in an hack sak niin a lang.

ZPM party hian official facebook account hi inthlan hma daih atang tawh khan tangkai takin an lo hmang tawh a, sawrkarna an siam hnu, tun hnai thlengin information pawimawh pekna atan tangkai takin an la hmang.

Hetihlai hian pangngai taka thu an post hnuhnun ber chu January ni 15, 2024 chho kha a ni a, hemi hnu atang hi chuan thu post a awm tawh lo a, reels/video tawi te te, party leh Mizoram nen a inkaihnawihna awm lo post a awm thin

ZPM official facebook account hi tute emawin an hack sak ngei niin a lang a, siamthat leh ngei tumin, an party a media & publicity te chuan hma an la mek nia thudawn a ni.