DOWNLOAD OUR APP

Read latest news on your phone
app-store
FEATURE : In-a gas thlen
Jun 04, 2022

Mipuiten awlsam zawk leh mahni kawtkaiah ngei eirawngbawlna gas an hmuh hi sawrkar laipui duh dan a ni a. Hemi lama mawhphurtu, Indian Oil Corporation chuan mahni in lumah ngei mipuite hian gas hi dawng se a duh a. Chu mai bakah Aizawl khawpui chu smart city-ah puan a nih bawk avangin leh he smart city hian gas home delivery hi a ken tel bawk avangin mahni in luma gas thlen a nih theih nan tunlai hian Aizawl khawpuiah ngawrh taka hmalak mek a ni.

Aizawl khawpui veng pali ah gas home delivery hi kalpui mek a ni a, chung te chu Zothan Gas Agency-in Zonuam veng ah, MIZOFED-in College veng, Caravan-in Falkland leh Suakchhunga Gas Agency-ten Dawrpui vengah te a ni a. Heng veng bakah hian Aizawl khawpui chhunga gas agent-te chuan veng thlanbik neiin pilot project atan heng vengah te hian June 2022 atanga gas home delivery hi kalpui tan tumin hma an la mek a, FCS&CA deptt., Mizoram Consumers Union leh gas agent ten tunlai hian public awareness campaign an nei mek. Home delivery kalpui tak tak hun tur erawh chiang taka hriat a la ni lo. Aizawl khawpuia gas home delivery kalpui tumna veng te hi DCSO 'E' hnuaiah Ramhlun Venglai, Ramhlun Sports Complex, Armed veng South, Chite, Chaltlang, Chaltlang Lily veng, Zemabawk, Zemabawk North, Zuangtui, Muanna veng, Selesih leh Ramhlun North te an ni a. DCSO ‘W’ hnuaia home delivery kalpui tan tumna veng te chu Khatla, Khatla East, Kanan, Zotlang, Tuikhuahtlang, MINECO, Venghnuai, Thakthing, Tlangnuam, Tlangnuam Vengthar, Saikhamakawn, Hunthar, Luangmual, Govt. Complex, Venghlui, Republic Vengthlang leh Rangvamual te an ni.

Gas home delivery hian gas la tura intlar put putte a tihreh dawn bakah changkanna kawng zawhna tur a ni dawn a. Hei mai bakah gas changa hun leh tha tam tak sen thin kha a tihbo dawn avangin a tha dawn hle niin FCS&CA deptt. thawktute chuan an sawi a. Home delivery kalpui a nih hunah chuan consumer tin ten ID an nei ang a, hemi hmang hian gas hi an book mai thin dawn a, ruahman dan chuan gas book atanga darkar 48 chhunga consumer te hnena thleng tura tih a ni. Consumer pakhat tan kum khatah subsidy tum 12 bak a lut thei lo a, mahse gas hi duh zat zat a lak theih dawn a. Gas rawn dahtu ten receipt an pe ngei ngei tur a ni a, hemi hmang hian a fel lo a awm chuan complaint thlen theih a ni dawn a ni. 

Gas rate hi a danglam ngun hle a, tuna a rate dinglai Rs. 1162.53 atang hian point delivery Rs. 7.53 paih a, chumi hnuah Rs. 70 belh leh tur a ni a. Tun dinhmunah home delivery hi kalpui ta se mipuiten gas bur khata kan chawi tur chu Rs. 1225 a ni.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh