Zirtawpni thleng khan Mizoramah Covid-19 kaih hnawih vanga endik mi 1,70,737 an awm tawh. ZMC, Falkawn-a Covid-19 laboratory-ah sample test a sang chho zel a, 1063 test niin, TrueNat hmangin mi 172 test neih a ni a, Rapid Antigen Test neih ni dang aiin a tla hniam thung a, mi 314 test neih a ni.

Mizoramah covid-19 kaih hnawih vanga endik mi 1,70,737 an awm tawh a, sample test nei mi 57,012 an awm tawh bawk. Tun thlengin ZMC ah mi 39,608 test a ni tawh a, TrueNat PCR hmangin 2,731 leh Rapid Antigen Test hmangin mi 14,616 test neih a ni tawh bawk a ni. District hrang hranga covid care centre-ah covid-19 vei natna lang chhuak lo mi 469 dah a ni a, natna lan chhuah avanga in enkawlna hmun DCH leh DCHC ah mi 99 enkawl mek a ni bawk.

Covid-19 vanga sipai dam lo enkawlin san lam a pan leh tawh a, Zirtawp tlai dar 5 thleng khan Mizorama covid-19 vei enkawl 26.38% chu sipai an la ni.

Mizoram sawrkarin covid-19 dinhmun thuthar a tarlan hnuhnungah Assam Riffles sipai 126 zingah mi 96 te chu dam tawhin mi 30 enkawlna hmunah an la awm a. BSF mi 312 enkawl tawh zingah mi 228 damchhuak tawhin mi 84 enkawl mek an la ni. CRPF mi 4 zinga 3 an dam tawh a, pakhat enkawl mek a ni a. Indian Army CIJWS a awm mi 20 zinga 5 dam dawhin mi 15 enkawl an la ni a. BRO/BRTF sipai mi 18 enkawlah dam an la awm lo a ni. NDRF mi 32 enkawl erawh an damfel vek tawh thung.

Mizoram chhunga district hrang hranga Covid-19 vanga sipai inkhung hranna hmunah sipai 518 enkawl an awm tawh a. Aizawl dist-ah 203, Kolasib ah 172, Lunglei ah mi 89, Serchhip ah mi 54 khung hran mek an ni.

Covid-19 hrikai vanga enkawl motor lian enkawltu Truckers te 2.49% niin Civil leh frontline workers leh civillian covid-19 vanga damlo enkawl pawh 71.22% an tling chho tawh bawk. Truck driver leh handleman mi 183 zingah mi 169 dam tawhin mi 14 enkawl mek an la ni a. Civil mi leh fronline workers mi 973 enkawl dam tawh niin mi 561 enkawl mek an la ni bawk.

Hetih lai hian nimin khan Covid Care Centre, SSA Girls Hostel, Mamit atangin Covid-19 hri kai enkawl dam mipa 5 leh hmeichhia 3, an vaiin mi 8 te chu CCC atangin dam taka chhuahtir an ni. Nimin CCC atanga dam taka chhuah tak te hi kum 34 leh kum 15 inkar vek an ni a. Covid-19 hrileng lakah an fihlim tih lantirna Certificate hlan nghal an ni bawk. Tihian, Mamit District chhungah Covid-19 hri kai enkawl mek hi mi 2 an la awm mek a ni.