DOWNLOAD OUR APP

Read latest news on your phone
app-store
FEATURE : Mizoram State Museum
Mar 07, 2023

Mizoram State Museum chu hri leng vanga tlawhtu an tlem hnuah tun hnai atang khan tlawhtu ziaawm leh deuhin kumin thla hnih chhungin tlawhtu mi 657 an awm tawh.

ZALEN thudawn danin hri len hma kha chuan Mizoram State Museum hian state chhung mai bakah state pawn atang pawhin tlawhtu an nei nual thin a. Mahse, Covid-19 len hnuah erawh tlawhtu an tlem hle.

Nikum lam atanga hri a ziaawm chhoh hnuah tlawhtu pawh hi an pung chho ve leh hret hret a, kumin chhungin tlawhtu hi mi 657 an awm tawh a. Heng zinga 348 chuan January thla khan an tlawh a, February thla chhungin mi 309-in an tlawh leh bawk.

Mizoram State Museum thawktute chuan museum-in Museum Week an hman laiin tlawhtu chu an tam ber thin tih sawiin tun hnaiah erawh thlasik khaw vawh vang leh school naupang exam lai a nih avangin tlawhtu an tlem niin an sawi.

Museum tlawhtute ngaihhlut leh en pawh an tui dan azirin a inang lo thin hle tih Mizoram State Museum thawktute chuan sawiin a tlangpuiin hmanlai bungruaten tlawhtute lung a tileng ber nia an hriat thu an sawi a. State dang atanga tlawhtute pawhin hmanlai Mizo thil hlui chu an en ber leh hmuhnawm an tih ber niin an sawi bawk.

Mizoram State Museum thawktute chuan tun dinhmunah museum-ah hian object 98 a awm mek niin an sawi a, hengte hi a tul dan a zirin an sawn kual thin tih an sawi bawk a. Museum-a dah tur object-te chu hmunhmain a daih loh avangin an chep hle a, a thar pawh an chah thei hrih lo nia sawi bawkin tunah hian reserve collection-ah bungrua eng emaw zat an dah mek niin an sawi bawk.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh