Aizawl: Kolasib Excise ten rakzu an test na ah mihring tana him lo a tam hle tih hmuhchhuah a ni.

Tunhnaia Kolasib District Excise & Narcotics department-ten Barabi kawnga zu factory pakhat an tihchhiatna atangin rakzu tih takna hmanrua nia hriat an man chu Forensic Science Laboratory (FSL)-ah test a nih hnuah mihring hriselna atana tha lo (contaminated poisonous) 86% zet a tel tih hmuhchhuah a ni.

Excise thawktute sawi danin zu tih takna hmanrua nia hriat an man hi label pawhthlak tawh bottle-a dah a ni a, a rim hi spirit pangngai nen a in ang hle tih an sawi. Heng an thil man hi an pawlh lai chu hmu chiah lo mahse an pawlh ngei niin an hria a. Hei bakah hian zu rawng siamna nia hriat, Bangladesh lam atanga lakluh plastic bottle pawh an man tel bawk.

Excise thawktute chuan zu factory pakhatah heng damdawi bawlhhlo chi khat an hmuhchhuah avang hian Kolasib district-ah pawh an hmang nual tawha an rin thu an sawi a, rakzu in thinte chu fimkhur turin an chah bawk.