ZALEN June 10, 2025 : Mizo film siamtu hmasa leh film engemaw zat lo chhawpchhuah tawh, sulhnu tha tak nei TC Vanlalzauva film pahnih te chuan tun hnaiah dinhmun sang tak an luah.

TC Vanlalzauva film siamte hi Indian independent Film Festival 2025 ‘This Is Mizoram; A Traveller’s Paradise’ tih mai bakah International ART Film festival of India- ah ‘ROMAWII’ tih film chu official taka thlan chhuahte zing-ah a telh a ni a, ROMAWII hi Goa International Film Competition GIF 2025-ah pawh selection-ah a lo tel tawh bawk a ni.

National School of Drama, N. Delhi chhuak TC Vanlalzauva hian he hmuna a zirchhuah hma pawh hian Audio Drama, Stage Drama leh Film lamah sulhnu a lo nei tawh a, tunhma Mizo film hmasa Lenmawii, Luahloh Lungdi leh Nicky Cruz te kha a kutchhuak an ni a. Film Producer leh Director a ni hkawp piah lamah script writer a ni bawk.

TC Vanlalzauva hian Doordarshan Kendra Aizawl Programme thenkhat hi out-source- in a khawih reng bawk a, Sawrkar Department, Agency leh Society programme te a siam sakin Central Sponsorship programme siamna kawngah mi hming tha tak a ni.