ZALEN May 27, 2025; Nunna hial chan lo awm tawhna, Chaltlang Lily Veng Sairang road, tunhnai a lung tlakna hmun chhehvel chu fimkhur ngaihna hmunah puan a ni mek.

Helai hmun, Sairang road, Hrangbana petrol pump thlangah hian kar kalta May 21, 2025 khan kopang atangin lung a tla a, hemi vang hian kawngpui pawh engemaw chen chhung khar a lo ni tawh.

He thil thleng vang hian lung tlakna hmun hnaivaiah lirthei dah/park phal a ni lo a, ke a veivak te pawh fimkhur tura hriattir an ni.

Helai hmun bawr vel hi kham sang tak niin, tun dinhmunah lung tla mai thei tura ngaih a la awm a, fimkhur a la ngai hle.

Heng lai bawra lung tla avang hian tun hma lam pawhin nunna chan an lo awm tawh a, kawngpui sir a in te pawh lung tla in a lo delh/deng chhe fo tawh bawk.

#ZalenNews