D3 Amrit Cement 22nd Inter Branch YMA Volleyball Tournament 2022 khelh mekah zanin khan semi-final khelh chhunzawm a ni a, mipa lamah Khawhai leh Hunthar ten final an lut a, hmeichhe lamah Bungkawn leh Kolasib Diakkawn ten final an lut thung. 

Inter Branch YMA Volleyball Tournament ngaihhlut tak hmeichhe final hi naktuk zirtawpni zan hian Bungkawn leh Kolasib Diakkawn ten final an khel dawn a, team tha ve ve inkhel hi hmuhnawm hle tura ngaih a ni. Mipa lam final hi inrnni zanah khelh a ni thung dawn a, volleyball thiam veng Hunthar leh fans ngah Khawhai khua ten final an khel thung ang.  

Branch YMA Volleyball tournament-ah hian Mizo volleyball player tha chu an inlan kim hle a, Pro division player pawh branch hrang hrangah an kat nuk a ni. Inter village football a fans ngah Khawhai Branch YMA ten mipui tan an hlawh leh hle a ni. 

Semi-final Result; July ni 28, (Ningani)

Hmeichhia
Bungkawn bt. Armed Veng South
25-14, 19-25, 25-14, 25-22 (3-1)
PoM: Lalparmawii, Bungkawn

Diakkawn bt Kanan
25-20, 18-25, 25-23, 25-20 (3-1)
PoM: Lalmuanpuii, Kolasib Diakkawn

Mipa
Khawhai bt. Chhinga Veng
25-16, 25-18, 25-22 (3-0)
PoM: H. Lalramdinmawia, Khawhai

Hunthar bt Zawlnuam Vengpui
28-26, 25-20, 25-12 (3-0)
PoM: Remsangzuala, Hunthar