May 9, 2024; Vawiin khan Chief Minister Lalduhoma, Finance Minister ni bawk hovin a office ah 16th Finance Commission hnena rawtna thlen tur relin mi pawimawh te an thukhawm.

Meeting ah hian kum nga chhunga Mizoram sawrkar sum hmuhna leh hmanralna te, leiba neih dan leh rulh dan te, kum nga hma lama mi te pawh uluk taka zirho a ni a. Chumi hnuah kum 2026 April ni khat atanga hman tan tur Central leh State te sum insem dan duangtu tur 16th Finance Commission hnena thlen tur rawtna te an duang tan a ni.

Hmasawnna inkhairual leh mitin huapzo a awm theih nan rawtna hi uluk taka duan ni se tiin an rel a. A tul ang zela la thutkhawm leh thin tur a ni.