Finance Minister a hlawhchham lailet der - Vanlalruata
![](/storage/news/post/CycEnFrZL3QjRnzQsyEppAPH4Wk6V4RRnvphj8RE.jpg)
Aizawl September 12, 2022 : PC Party Acting President Vanlalruata chuan, Mizoram Chief Minister Zoramthanga, Finance Minister ni bawk chu sum leh pai enkawl kawngah a hlawhchham lailet der-ah a puh a, kan bat theih zat aia tam kan ba tawh tiin, hei hi a siamthat dan an party chuan an thiam, niin a sawi.
Vanlaruata chuan, "Zoramthanga hi sum leh pai enkawl kawngah a hlawhchham lailet der. Budget siam laia sum hmuh tura beisei aia tam kan sawrkarin a hmu deuh ziah chungin sum hmanna lamah a hlawhchham avangin kan leiba a pung zual zel a. Tunah phei chuan leiba kan neih theih zat bituk aia tam kan ba tawh a ni,” tiin “Hemi siam that dan hi keini chuan kan thiam,” a ti.
Ruata chuan, "GSDP atanga 27.85% chauh leiba neia kal tura policy siam a nih avangin Mizoram GSDP hi, leiba kan ngah theih nan, dik lo taka chhut pun a ni. GSDP chhut pung chung pawhin tuna kan leiba hi kan GSDP atanga 34.51% a ni tawh. Hei hian kan Finance Minister hi a hlawhchham a, Finance Minister thar kan mamawh tih a lantir chiang hle," a ti. Sawrkarin sum hmuh a tlem thu an sawi thin a, budget-a sum hmuh tum aia tam an hmu zawk niin a sawi bawk.
Sum enkawl dan a fuh lohzia sawiin Ruata chuan, "MNF sawrkar hma kuma cheng vbc 1,699 lai revenue surplus awm thei kha an sawrkar tan kumah cheng vbc 1,533-ah a tlahniam nghal a. Mahnia finance an enkawl tan kumah cheng vbc 204-ah tla thla nghalin a hnu kum atang chuan a deficit char char a ni," a ti. Hemi chungchangah hian Covid vanga sum hmuh tlahniam angin an sawi a, a takah chuan kum 2020-21-ah kan hmuh tum kan hmu pha lo tih lohah chuan kum tin kan hmuh tum aia tam kan hmu ziah a ni a ti a. Keini chuan hemi siam that dan tur hi kan hria a ni, a ti bawk.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024