ZALEN March 10, 2025; House leader, chief minister ni bawk Lalduhoma'n ramri a zalen lutuka kan inkalpawh hian thil tha lo lam a lo thleng tel ve niin a sawi.

Vawiin assembly budget session zawhna leh chhanna hunah member-te zawh belhna chhanga he thu hi sawiin, chief minister chuan, Mizoramah smuggling a tam zia kan hria tiin a sawi a, zalen lutuka kan inkalpawhna hian thil tam tak a tha lo lam a lo thleng tel ve niin a sawi.

"Kan unaute raltitna vanga lo lutte chu kan lo enkawl tur a ni tehmeuh a, amaherawhchu ral leh lamah an khua hmuh theih rengin an awm a, haw tum chuang tawh lo te pawh engemawzat an awm," ti bawkin, "Chutiangte chu a nih avangin, free lutuk a kan inkalpawhna hian thil tha lo tam tak a ken tel avangin, zalen taka inkalpawh theih a kan awm hi mipui tam tak pawh hian a tha lo zawk emawni an ti ve deuhin ka hria," a ti. 

Chief minister chuan, "Zalen taka inkalpawh theih hi kan duh rual rualin central sawrkarin a rawn tih takah chuan, a tulna lai te pawh awm, a that zawkna lai te pawh a awm hi a kan ti deuh a ni," a ti bawk.