DOWNLOAD OUR APP

Read latest news on your phone
app-store
Food truck dinna tur tifel tawh, vendor dang la zo lo, a rualin puang dawn
Nov 17, 2019

Local council te Street vendor act chungchangah te sensitization pek phawt tum

Aizawl: Thudawn danin Mizoram Street Vendor Act 2011 hnuaia din Town Vending Committee chuan food truck-te din nghehna tur hmun an tih tluk tawh hnuah notification la tihchhuah theih a ni lo. Hetih lai hian hemi ngaihtuahtute chuan vendor dangte awmna hmun tur an la zawh loh vang leh LC lamah Street Vendor Act sensitization an duh avangin a rualin tih chhuah nise tiin an rel thu ZALEN chuan a dawng bawk.

The Mizoram Street Vendor Act 2011, Protection of livelihood & Regulation of street vending hnuaia din committee hian eng emaw chen chu he committee hian Gandhi lim bul Tuikual atanga hnawh darh tak food truck a eizawng te dinna tur chu Aizawl khawpui chhungah dapin an fehchhuak a, November 6 khan a hmawrbawkna neiin a tuk lamah food truck te dinna tur hi notification Aizawl Municipal Corporation-in a tihchhuah beisei a nih laiin thuziah hunlai thleng hian la tihchhuah a la ni lo. “Thu an titlu tawh chuan kan hriaa, mahse notification hi kan la hmuh mai loh avangin kan dinnna hmun tur hi kan la hre thei bik lo a ni,” tiin food truck neitu lam chuan ZALEN an hrilh a ni.

Aizawl Municipal Corporation hnuaia town vending lam chuan, food truck dinna tur chu an zofel thawkhat tawh a; mahse, a thu hi a sensitive ang reng avangin local council te hi The Mizoram Street Vendor Act 2011, Protection of livelihood & Regulation lam hrilhfiaha sensitization neihpui phawt hnuah food truck leh vendor dangte dinna leh din lohna tur chu tlangzarh an ti ta hrih a ni.

Food truck lam chuan “Kan duhthusam chuan kan dinna ngai Mahatma Gandhi limbul kha kan la duh ber a, security tur fee te pawh chawi kan huam a ni. Tunah hi chuan kan ding darh nuai mai a, City Park bul, Vaivakawn, Bawngkawn, Chhangur-kawn leh Bungkawn-ah te kan ding a. Kan inhralh chhiat phah nasa a, keimahnia lo innghat tawhte pawhin an tuar nasa a, a pawi kan ti hle a ni,” tiin ZALEN an hrilh a.

“Local authority inluling lutuk hi kan buaina ber niin kan hria a, rilru zau deuh pu in midang tam tak tan eizawnna an siam sak a ni tih hi inhria se kan duh bera, thu thaa sawi hleih theih a ni lo hi pawi kan ti bawk,” tiin food truck lam chuan an sawi.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh