Khawvel-ah hian footballer tha tak tak an lo piang chhuak tawh a, chung zingah chuan ropui bik mi tlem te khawvel-in football a hmelhriat chhunga hming dai tawh striker tha bik  mi panga te chanchin kan han tarlang dawn a ni.    

5. Gerd Muller 
Gerhard “Gerd” Muller hi tun thleng striker tha leh hriat hlawh ber pakhat a la ni mek. A ram German leh Bayern Munich club tana a hun tha zawng zawng hmang ral tu a ni. Muller hi a theihna leh a technique san em vang hian striker hlauhawm ber pakhat a ni a, net hmaah a buai ngai meuh lo hian a ti hlauhawm zual.

A tumah chiang a goal shoot a tha a hlauhawm thei hle , box chhung leh pawnah a hlauhawm dan a danglam tam lo. A career-ah European Player of the Year (1970), German Player of the Year (1967 leh 1969) a dawng bakah Bundesliga top scorer tum nga chuang a ni thei bawk. 2006-a Ronaldo-a'n a record a rawn khum hma zawng khan Muller hi World Cup-a goal thun tam ber a ni ngar ngar. 

4. Ferenc Puskas 
Puskas hi Sandor Kocsis nen an kawp kha khawvel player kawp hlauhawm ber an ni hial awm e. An ram tana an pahniha an han kawp kha chu an hunlai hre phak kha chuan an theihnghilh tawh a rawm loh. An hmg lemah “Magical Magyars” ti hial an phuah. Puskas hi striker tha tak a ni mai lo va, position hrang hrangah a tha em em vek. 

Ferenc hi a ram Hungary leh Real Madrid club tana mi tangkai tak ni ram tan game 85 a lanah goal 84 zet a thun a, Hungarian league-ah Budapest Honved tan goal 352 zet thun record a siam a, a hnuah Los Blancos a zawm a, kum 31 lai ni tawh mahse, goal 156 lai a thun leh thei a ni. 
    A hun tawna a pawi tih leh chhir ber chu kum 1954, FIFA World Cup fal-a Germany- nasa taka an lehthal leh kha a ni hian awm e. 

3. Eusebio 
Kum naupang te ni khawvel-ah a rawn lar chhuak a, 60's chho vel khan kum naupang te ni a hmg a rawn chher chho tan a, Kum 1966 FIFA World Cup-ah khan a theihna mai bakah tunge a nih chiah khawvel a hre ta a ni. A ram Portugal chu semi-fal luh pui a thlengtu ram England lakah sawi buai theih tak an tlawm ta a ni. 

Eusebio hi hma hun eng tak a nei a, Portugal national team leh Benfica club tana mi tangkai tak ni chawimawa tam tak a dawn a. A hun chhung Eusebio hian goal 600 chuang thun Ballon d’Or award a dawn bakah European Golden Boot hmasa ber chu kum 1968 khan a dawng a, a hnu 1973-ah golden boot hi a dawng leh bawk. 

2. Ronaldo
Ronaldo Nazario hi perfect striker sawi dawna entirna tha ber a ni hial awm e. Ronnie hi mual chhunga tih dan thar hmuhchhuah kawngah a sang hle a, talent a nei tha a skill ropui tak avang football game khel tura duh thusam a ni. Ronaldo chuan ter leh Barcelona-ah a hun hmasa hmang khawvel a rawn barakhaih a, hun reilo te chhung a hmg dai ngai tawh lo tur football khawvel-ah hmg a rawn chher der. 

Real Madrid lamah lut leh ropui tak bawk a rawn khel a, vanduai thlak tak The Phenomenon tia hmg an phuah sak hial Ronaldo chuan a khup-ah hliam a nei hlauh mai a, he a hliam vang hian club leh a ram Brazil tan a ropui tur ang a ropui pha ta lo a ni. Chutichung chuan, Miroslav Klose-a'n a record a rawn khum hma zawng kha chuan Ronnie hi World Cup goal thun tam ber a ni reng th. FIFA World Cup 1994 leh 2002 ah chawi Ballon d’Or award tum hnih hlan a ni bawk. 

1. Pele
He list-a striker tha ber hi football chancha footballer tha berah mi tam tak chuan an ngai. Edson Arantes do Nascimento hi kum naupang te a nih lai atanga rawn lar ni kum 1950 FIFA World Cup khan kum 17 mi lek ni a ram Brazil chu a rawn Champion pui nawlh mai a, chumi ni atang chuan a hma hun chu a rawn kaw ta zawt zawt a tih theih awm e.  

A hunlai chuan Pele hian record tam tak a siam a, a ram Brazil leh a khelhna club Santos tan top scorer a ni a; league a goal thun tam ber ni goal 541 a thun bawk. Football a khelh chhung goal 1281 zet thun anga chhchhiah a ni a, Copa Libertadores tum hnih chawi Pele hi Santos club legend a ni a, FIFA World Cup tum 3 a khel bawk.