ZALEN July 28, 2023 : NSUI Mizoram President RB Lalmalsawma chuan Lok Sabha-in a pass tak Forest Conservation (Amendment) Bill 2023 chu Mizoram tan a him lo, a ti. He bill chungchang ah hian Mizoram Sorkar ngaihdan leh duhdan hi Mipui te hriat ah NSUI Mizoram State chuan puangzar turin an phut tih a sawi.

NSUI President chuan, "Forest (Conservation) Act 1980 kan hmanlai hian Mizoram-a ramngawte min humhalhsak that em em lai hian ni 29-03-2023 khan EF&CC Minister Bhupender Yadav Chuan Lok Sabha-ah bill thar Forest Conservation Amendment Bill 2023 chu a pulut a, Joint Parliamentary Committee ngaihtuah tur a dah in, a bill draft hi pawm a ni a, Lok Sabha Parliament Monsoon Session ah hian pawm a lo ni ta a ni. He bill chungchang ah hian Mizoram Sorkar ngaihdan leh duhdan hi Mipui te hriat ah NSUI Mizoram State chuan puangzar turin kan phut tlat a ni," a ti.

He bill ang hi chuan international boundary atanga km 100 huam chhungah bill neihsa hmanga ramngaw humhalh theih na dan a rawn thiat vek tawh dawn a, ram leilung pumpuiah BJP Sawrkarin thuneihna chhuhsak a tum mek niin NSUI Mizoram te chuan an ngai a ni.