Aizawl February 2, 2024: Vawiin khan Chief Minister Lalduhoma kaihhruaiin CM Meeting Hall-ah Mizoram chak lakna kawngpui Vairengte leh Sairang inkar kawng chhe zual thawm vat dan tur leh Four Lane tura hnathawh tan thuai dan tur ngaihtuah a ni a, a enkawltu NHIDCL leh PWD ten thuam that hman an inring.

He hunah hian PWD Minister Vanlalhlana chuan kawngpui repair a tul tawhzia te, mipuite mamawh phur thin Truck Owners Association te pawhin Chief Minister hnena an thlen tawh thu leh fur a lo thlen leh mai dawn vanga hmanhmawh a tul thute a sawi a. Hemi zawh hian hma lak nghal dan tur an sawi zui a ni.

NHIDCL chuan an chanpual chin te chu fur hmaa a tulzual an khawih theih tur thu an sawi a. Forest Clearance a fel chuan Four Lane hna pawh an tan nghal mai dawn tih an sawi.

PWD lam te pawhin an enkawl chin chu a chhiat lutuk loh thu leh a tul zual lai an khawih nghal tur thu an tarlang.