Damdawi in atanga a chhuah hnu thla hnihah Congress president hlui, Sonia Gandhi chu Delhi boruak bawlhhlawh lutuk a ziaawm hma chu Jaipur-ah a khawsa rih dawn.

Gandhi-i hi thawkna lama harsatna nei sa a ni a, doctor-te chuan boruak a that zawkna hmunah awm rih turin an rawn a ni. 

Delhi-ah hian Thawhlehni khan Air Quality Index chu 375 a la ni a, ‘hlauhawm’ huangah a la awm a, Jaipuri erawh 72 chauh niin ‘tha pangngai’ huangah a ni tih private air quality monitoring website aqi.in chuan a tar lang.

Assembly inthlang tur state hrang hranga campaign-a zin kual mek, Congress hruaitu, Rahul Gandhi pawhin Thawhlehni zan khan Jaipur-ah a nu hi a tlawh a, Chhattisgarh a pan zui a. Ningania Rajasthan-a hun hmang leh tur a nih avangin Jaipur-ah bawk a let leh ang.

Gandhi-i hi September thla khan Delhi-a Sir Ganga Ram Hospital-ah a khua a sik nasat avangin dah luh a ni a, a tukah a chhuak leh nghal a. January khan thawkna lam harsatna neih avangin damdawi inah a lo lut tawh bawk.

Tun tum hi Congress president hluiin Delhi boruak chhia a tlanchhiatsan vawi khatna a ni lo va. Kum 2020 thlasik lai pawh khan doctor thurawn angin Goa-ah a lo kal daih tawh a ni.