DOWNLOAD OUR APP

Read latest news on your phone
app-store

Gas thuk, a bur leh a kaihhnawih te enfiah thin dawn

Jan 25, 2023

FCS&CA Department chuan Cooking Gas/LPG hmangtute tan IOCL hotuten, clause 5.3 of LPG Manual version 2.0 in a phut angin IOCL hnuaia LPG connection (domestic) nei te chuan kum 5 chhungin Mandatory Inspection tum khat tal neih tur a ni tih thuchhuah a siam. Declaration sign duh lo ten Gas an la chhunzawm lo anih pawh sawi buai thei dawn lo.

Aizawl January 25, 2022: FCS&CA Department chuan Cooking Gas/LPG hmangtute tan IOCL hotuten, clause 5.3 of LPG Manual version 2.0 in a phut angin IOCL hnuaia LPG connection (domestic) nei te chuan kum 5 chhungin Mandatory Inspection tum khat tal neih tur a ni tih thuchhuah a siam. Declaration sign duh lo ten Gas an la chhunzawm lo anih pawh sawi buai thei dawn lo.

FCS&CA chuan hei hi Mizoram chhungah kalpui tan turin ruahmanna an siam a, Mandatory Inspection nei tur te hian gas hmangtuten pipe hman tur diktak an hman leh hmanloh te, gas cylinder hman dan dik leh connection dik takin fit a ni em? tih te leh gas stove hman phal chin (ISI mark chuang) an hmang em tih te an enfiah dawn a ni.

Mandatory- Inspection atan hian connection neituten tum khat enfiahah service charge an chawi a ngai dawn a, PMUY (free) connection nei te chuan GST telin Rs.59/- an chawi ang a, Connection pangaiah chuan GST telin Rs.236/- chawi tur a ni ang.

Mandatory Inspection hi tul ti lo leh tih tir duhlo tan Declaration (format awmsa) ah hming lo ziah sak mai tur a ni. Declaration sign duh lo te chuan Gas bur tak awm (gas filled cylinder) an la chhunzawm thei lo a nih pawhin an sawi buai thei lovang.

Mandatory Inspection ti tura kal te (mechanic-te) hi mipuiten an hriat theihnan uniform ha in ID (IOC) atangin an nei ngei tur a ni.

Share now