ZALEN June 6, 2024 : Tunhnaia ruahsur nasa in Aizawl khawpui tui tlan tur lakna Greater Aizawl Water Supply Scheme Phase I chhehvela hnawl a chhekkhawm thianfaiin adventure club - Zotrek chu vawiin khan an thawkchhuak.

GAWSS Phase I lama leivung awmkhawm leh thing lian in tui lakna hmanrua leh thawktute awmna a nek chhiatna na lai vel an thianfai a. Midangin an la khawih ngam loh lai te tihfel puiin, PHE department thawktute nen thing zai nga an zai a ni.

Dum leh balu-in tui pump-na a hnawh vek a. Hei vang hian tui pump lamah pawh harsatna a la awm a, tun tuma Zotrek-in an puihna a pawimawh hle tih thawktute chuan an sawi.

Tui lian hian PHE khawlte a tihchhiat bakah hna a thawh sawt theih loh vangin hmatlan hi a sawt phah hle tih an sawi bawk.

Zotrek hruaitute chuan, khua leh tui tha an nih angin, Aizawl khawpui chawmtu tui pump chhuah chu mitinin kan mamawh bulpui ber a ni a, thenfai hi an mawhphurhnaah ngaiin hnatlang hi an ko tih an sawi a ni.