DOWNLOAD OUR APP

Read latest news on your phone
app-store
Global passport ranking-ah India 87-na
Jul 25, 2022

Henley Passport Index-in a tarlan dan chuan India chu Global passport ranking-ah 87-na a ni a, ram 60-ah visa-free access a kalpui mek. Ranking-ah hian Japan chu pakhatna a ni a, ram 199 zinga ram 193 zetah visa-free access a kalpui a ni. 

Data hi International Air Transport Authority (IATA) behchhana siam a ni a, India hian hma sawnin 90-na atangin 87-naah a chho a ni.  India-in 'visa-on-arrival' access a pek zingah hian Asia ram - Thailand, Indonesia, Maldives leh Sri Lanka te pawh an tel a, Africa ram 21 an tel bawk. Hetih lai hian Europe ram pahnih hnenah chuah 'visa-on-arrival' access hi a kalpui thung. 

India hian 2020 kha chuan hripui leng avangin ram 23 ah chuah a kalpui a, tunah chuan ram 60-ah a pung chho leh ta a ni. Ranking-ah hian Japan (193) chu pakhatna a ni a, Singapore leh South Korea (192) ten an dawt a ni. Germany, Spain, Finland, Italy, Luxembourg, Austria, Denmark, Netherlands, Sweden, France, Ireland, Portugal, United Kingdom, Belgium, New Zealand, Norway, Switzerland leh United States te chu a sang zingah an tel bawk. 

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh