ZALEN, 18th July, 2024 : Vawiin khan Gov’t. T. Romana College (GTRC) chuan Vanapa Hall-ah Graduation Day-cum-Freshers’ Day an hmang a, Minister C. Lalsawivunga'n khuallian niin a hmanpui.

Khuallian hian college magazine RALTIANG a tlangzarh a, Zirlai titha (Meritorious students) 17 hnenah Incentives Cash Award a sem a, award hi zirtirtu leh mi inphal ten an donate a ni. 

Bialtu MLA ni bawk C Lalsawivunga hian GTRC Library tan MLA Fund atangin Rs nuai 5 a pek tur thu a puang bawk.

Vawiin Graduation Day-cum-Freshers’ Day lawmnaah hian chawhma session-ah Meritorious students leh Graduate thar te chawimawina hun hman a ni a. Chawhnuah motivational speech, special item hrang hrang bakah alumni, MZP, MSU leh zirlai kalchhuak te atangin thusawi ngaihthlak a ni.