November 16, 2022; Hachhek Bial Kuhva Chingtu Pawl chuan tukin dar 6 atang khan tiam chin awm loin total bandh an kalpui a, an bial chhung khaw hrang hrangah zawm a hlawh hle nia thu dawn a ni.

HBKCP hruaitute hnena tanga ZALEN thudawn danin, tukin dar 6 atang khan an bial chhung khaw hrang hrangah total bandh kalpui a ni a, zawm a hlawh hle a, total bandh in a huam loh chin te bak pawn chhuak an awm meuh lo. Total bandh neih a nih chhungin sawrkar office, zirna in, bazar leh dawr hmunte khar vek a ni dawn a, puipunna, chhiatna lam tih loh reng reng te pawh neih a ni lo ang. 

Thuchhuah an siamah, HBKCP chuan, Mizoram sawrkarin dan loa kuhva lak luh a tihtawp duh loh avang leh Mizorama kudam tam tak la awm reng chu Mizoram sawrkarin mit a siai khum tlat avangin Mizorama kuhva chingtute leh Tripura a kuhva chingtute harsatna a thlen mek tih an tarlang.

Mizoram sawrkar chu Ministry of Home Affairs thupek zawm lo a, dan loa kuhva Mizorama lak luh thin chu titawp thuai tur leh dan phal loh kuhva kudam awm zawng zawng pawh tichhia a, smuggling sumdawnna a rang thei ang bera man chhuak turin an phut bawk.