Aizawl : November 5, 2022 hian Kawrthah North VC House-ah Hachhek Bial chhunga kuhva thar a hralh theihloh avanga Bandh neih mêk leh kal zel dan tur ngaihtuahin Joint meeting neih a nih hnuah titawp lailawk rih a ni.

Kuhva hralhna tur kawnga Sawrkar hmalâk mêkna ngaichangin leh sawrkar ngenna avangin Hachhek Bial Kuhva Ching Pawl (HBKCP), Taitesena Group YMA OB, Langkaih Group YMA OB Bandh kallai chu an tih tâwp(Call off) rih.

Joint meetinghian Hachhek Bial Kuhva Ching Pawl (HBKCP), Taitesena Group YMA OB, Langkaih Group YMA OB an tel a, Ni 15.11.2022 thleng sawrkar lam thuchhuak ngaihchân ni se an ti a, a tul anga ruahmanna siam leh turin thutlukna an siam.

Myanmar atanga kuhva ro lo lut chu theihtawpa dan zel ni se, sawrkar phal loh kuhva phurlui lo turin motor neitute an ngen.