ZALEN March 3, 2025; Home minister K Sapdanga'n halpuah hal vanga thubuai siam sak mi 63 an awm tih house a hrilh a, hremna chu court thutlukna siam tur a nih thu a sawi.

Dr. K Beichhuah zawhna leh zawh belhna te chhangin home minister chuan, halpuah hal vangin mi 68 man an ni tih sawiin, case 55 register a nih thu leh thubuai siam sak mi 63 an awm tih a sawi. Engtia hrem tur nge tih chu court lam thutlukna siam tur a nih thu a sawi bawk.

December ni 31, 2024 zan a halpuah haltute zawnna atan hmun thenkhatah drone hman a nih thu sawi bawkin, a vaiin hman sen a ni lo niin a sawi. "Hmun dang, thil dangah pawh a rem remah drone hman a tam a, department pawhin drone a nei a, a tangkai tur angah chuan drone hman zel a ni," a ti bawk.