ZALEN June 25, 2025 : Mizo Students’ Union (MSU) hruaitute chuan vawiin khan State Information Commission ah RTI an zawhna chhan anih loh avangin 2nd Appeal an thehlut. 

MSU in an hruaitute hming hawhin RTI Online Mizoram Portal-ah, “College Zirlaite Student Aid Fund pek khawm hman ralna,” Higher & Technical Education Directorate a zawhna an zawh chu SPIO in a hmanna diktak tarlang si lova a chhan avangin, First Appeal March ni 8, 2025 khan an thehlut a. Hei hi vawiin thleng (an thehluh atanga ni 108 a liam hnu) pawha an chhan loh avangin State Information Commission SPIO Lily-i hnenah 2nd Appeal an thehlut leh a ni. 

MSU chuan Students Aid Fund College Zirlaiten `50 admission apianga an chawi ṭhin chu, Zirlaite ṭanpuina tak tak nilova hmanral ni ṭhin in an hria a. Hei hi theihtawpa chhuichhuah a, thil diklo a awm anih chuan na taka hmalak an tum a ni.