Aizawl: Covid 19 thawh hnihnaah Mizoram chuan August hapta laihawlah thawk thawlna hun tlemte a neih hnuin hapta 6 zet chu a sang lam zawngin a kal a. Kar hnih kalta kha hapta khat chhunga hri kai thar hmuhchhuah tam ber hapta niin tunkar liam ta atang khan hapta khat zel chawhrualin 19.20% atangin 15.08%-ah a tla.

September 26- Oct 2 kha hri kai hmuh chhuah tam ber hapta niin 9,768 (19.20%) a tling a, kar liam ta Oct 3-9 chhungin 8,194 (15.08%) ah a tlahniam a ni. Hri inkai chhawn dan hi hapta hnih  khaikhinin tualchhung a tam ber ve ve a, kar 2 liam taah 9740 (99.71%) niin kar liam ta khan 8,181 (99.84%) a ni bawk a. Ram pawn atanga lo lut chu 0.28% leh 0.15% chauh a ni

Hapta khat zel anga khaikhawmin discharge lam pawh Sep 26-Oct 2 chhungin 9,431 (96.54%) niin Oct 3-9 kar liam ta khan 8352 (101.92%) a ni bawk.