ZALEN June 2, 2025; Ruahpui vanawnin nunphung a tih khaihlak nasat hle karah, Serchhip P&E venga khawsa, Lalthanglianan an lirthei neihte chu a mamawh a piangte hman theih turin ruahmanna a siam.

ZALEN in a biaknaah Serchhip P&E venga cheng, Lalthangliana chuan tunlai ruahpui vanawn sur vanga harsatna tawk, lirthei hman mai tur nei/hmu remchang lo te tan ruahmanna an siam tih a sawi a, tun thlengin mi engemawzatin an ruahmanna te an hmang tangkai tawh tih a sawi.

Lalthangliana hian sumo pahnih neiin, heng sumo te hi Serchhip - Aizawl service an ni. Covid hunlai pawh khan hetiang hian an lo che chhuak tawh ṭhin bawk.

Ruahsur vangin Mizoram hmun hrang hrangah nunphung a khaihlak mek a, hetiang kar a phutlet nei hauh lo, man chawi pawh ngai lo a mi inpe te lolang thin hian Mizo nih an tinuam a, mahni insengso zawka an che chhuak hi malsawmna tam tak dawng let tlak an ni.

#ZalenNews