ZALEN March 4, 2024 : Chapchar Kut Flower Show 2025, Aijal Club Park a neih a hawn naah Horticulture Minister Prof Lalnilawma chuan kumin Chapchar Kut thupuia 'Hawihawmna' hman a nih angin chumi lantirna atan pangpar chu hman remchang tak a nih thu a sawi

Flower Show hawnna hun hi Horticulture Director CH Lalmuanpuia chuan a kaihruai a, he huna thusawitu Prof Lalnilawma chuan Pangpar tan Centre of Excellence din turin project a kal mek a ti a, hei hi a hlawhtling thei a nih chuan hei aia tam zawk ram dangah pangpar thawnchhuah theih a beisei thu a sawi.

Lalnilawma chuan kumin Chapchar Kut thupuiah 'Zo nun zemaw - Hawihhawmna' hman a ni a, Hawihhawmna lantir nan pangpar chu hman remchang tak a ni a ti a, pangpar hmanga hawihhawmna lantir duh te tan Chapchar Kut Flower Show chhim vek turin mipuite a sawm.

Horticulture Minister chuan Anthurium chauh emaw ram danga thawn emaw tih laia Nauban chingtu ten ram dangah Nauban an lo thawn thin ti a hriatin lawmawm a tih thu a sawi bawk. Nauban, Pangpar leh Bonsai chungtute chu tangtlang zel turin a sawm bawk.