Aizawl : MNYF General Hqrs. intlawhchhuah programme an hman mekah nimin Dinthar Local Council House-ah hun hman a ni a. Aizawl West II bialtu Lalruatkima, MNF Adviser ni bawk chuan he hun hi a hmanpui a, MNF sawrkarah mipui an thla a muang niin a sawi.
Lalruatkima chuan, “He sorkarah hian tihfuh loh langsar tak kan nei lo a, he sorkar hnuaiah hian mipuite kan thla a muang hle a ni. Ration-ah buhfai a hnianghnar a, chana leh chini chenin ration-ah sem a ni a. Ram hruaitute an huaisen avangin mipuite an huaisen a, ramriah pawh hma kan sawn a ni. Kawng hrang hrangah sorkarin a phak ang tawkin hna a thawk mek zel a ni,” a ti a. “Ram neituin neitu thinlung pua ram leh mipuite min hruai hnuah, Covid hripui nuai karah pawh hmasawnna a kal chak hle a ni,” a ti a. AMC inthlanah pawh mipuiin MNF kutah sorkarna an pek ngei a rin thu a sawi bawk.