DOWNLOAD OUR APP

Read latest news on your phone
app-store

Health care a inziahluhna sum hman danah mipuite rah beh an ni - ZPM Thalai

Dec 07, 2022

Zoram People's Movement Party (ZPM) thalai president Dr. C. Lalrammawia'n vawiin khan Aizawl press club ah thuthar thehdarhtute kawmin, Mizoram sawrkara health care a inziahluhna sum hman danah mipuite rah beh an ni tih hailan a nih thu a sawi a, bill tang zawng zawng kumin krismas hma ngeia pe chhuak vek turin an phut tih a sawi.

December 7, 2022; Zoram People's Movement Party (ZPM) thalai president Dr. C. Lalrammawia'n vawiin khan Aizawl press club ah thuthar thehdarhtute kawmin, Mizoram sawrkara health care a inziahluhna sum hman danah mipuite rah beh an ni tih hailan a nih thu a sawi a, bill tang zawng zawng kumin krismas hma ngeia pe chhuak vek turin an phut tih a sawi.

ZPM thalai president tarlan danin, health care inziahluhna sum hman dan chungchang RTI hmanga health department 5.10.2022 a an zawhna chhanna ah, Mizoram State Health Care Scheme (MSHCS) a inziahluhna sumte chu sawrkar inrelbawlna hrang hrang, zinna senso, staff hlawh, training pekna, office inrelbawlna leh a dangte atan hman a nih thu leh, a bang la awm te chu bill tang pek chhuahna atan hman a ni.

ZPM thalai president chuan ni 1.10.2020 atanga vawiin thengin health care a inziah luhna sum atangin Rs. 7,28,89,880 chu sawrkar inrelbawlna atana hman a ni tih sawiin, ni 1.10.2022 atanga vawiin thlengin health care inziah luhna sum vek chu bill tang atan Rs. 3,21,65,987 chauh pek chhuah a nih thu leh damlo bill 1,158 chauh an cover niin a sawi.

"RTI chhanna atang hian mipuite sum thawh khawm hmangin MNF sawrkar hnuaia health care kalpui a nih danah mipui rahbehna nasa tak a awm," ZPM thalai president chuan tiin, health care hnuaia mipuite sum a bat erawh thahnem tak a nih thu te, September ni 21, 2022 thleng khan bill tang 29,302 a awm thu leh, bill tang zawng zawng belhkhawm Rs. 80,54,44,879 a nih thu a sawi.

Share now