ZALEN May 26, 2025; May ni 25, 2025 (Pathianni) khan Excise & Narcotics Department leh Central YMA hnuaia Ruihhlo dotu – Central Anti-Drugs Squad (CADS) te chuan Joint Operation neiin zan dar-ah 7:40 vel khan Phunchawngah Heroin gram 549 (Hawng 50) leh a neitu nia puh mi pahnih - C. Lalramnunmawii (37) d/o C. Lalremliana, Chanmari West, H/No. V-10(A), Aizawl leh Lalnunmawia (35) s/o Lalhmangaiha, Tuikual North, D Mual, Aizawl-a khawsa nia inchhalte an man.

He thubuai chhuina kal zelah May ni 26, 2025 (Thawhtanni) zing dar 1-ah Luangmual Industrial Complex-ah Heroin Kg 1 & Gram 549 (Hawng 140), Methamphetamine Kg 9 & Gram 817 man leh a ni a. Heng bakah hian ruihhlo phurhna atana an hman lirthei - TATA Yodha Regn No. MZ01 AB-4110 leh ruihhlo thila indawrna atana an hman mobile phone pahnih man sak an ni bawk. Ruihhlo man zawng zawng hi Heroin Kg 2 & Gram 98 leh Methamphetamine Kg 9 & Gram 817 an ni.

Ruihhlo vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni a, May ni 26, 2025 khan Special Court (NDPS Act), Aizawl District-ah hruai nghal an ni. Heng ruihhlote hnamdang hnena pek tur niin an sawi.

#ZalenNews