ZALEN Oct. 23, 2024; Excise & Narcotics Department leh YMA thawk dunin Heroin leh a neitu a puh mi 3 an man.

Excise & Narcotics Department leh Rangvamual Branch YMA thawk dun chuan October ni 22, 2024 (Thawhlehni) chawhnu dar 1:30 khan Rangvamual, V-Section huam chhungah Heroin gram 59 (Hawng 5) leh a neitu nia puh mi pahnih – Lalrinsangzuali (41) d/o Liandawla (L), Rangvamual (V-Section) leh Lalchhanhima (38) s/o P. Rodingliana (L), Vaivakawn (Section-I)-a khawsa nia inchhalte chu an man.

Excise & Narcotics Department leh Kumpuan Committee, CYMA thawkdun chuan Octobe ni 22, 2024 (Thawhlehni) vek tlai dar 6:00 khan Chanmari West, Taitesena Section huam chhungah Heroin gram 172 (Hawng 15) leh a neitu nia puh –

Vanlalfela (29) s/o Kaplianhranga, Tlangsam, Champhai District, tuna Chanmari West-a khawsa mek nia inchhal an man bawk.

Heroin vanga mante hi the Narcotics Drugs & Psychotropic Substances Act, 1985 tlawhchhanin thubuai siamsak a ni a, 23rd October, 2024 khan Special Court (NDPS Act), Aizawl District-ah thawn nghal an ni.