July 31, 2023; Chief minister Zoramthanga'n a official instagram ah Manipur a thil tleng ang chu Mizoramah a thlen ve loh tur thu post a siam. 

CM in a tarlan danin, "Mizoram Chief Minister ka nih angin ram enkawlna kawnga sawiselna leh duhkhawp lohna a awm changa kawh rawn leh sel hlawh ber pawh ka ni ang tih ka hria a. Amaherawhchu Mizo thalai ram leh hnam veitute lakah hetiang thil hi Mizoramah chuan a thleng ve lo ang," a ti.

Ram mipuite tana rawngbawltu an nih angin CM te leh ram hruaitute chu sawisel theih loh an ni lo tih tarlang bawkin, "Ram tana in thahnemngaihna au aw te hi lo kan ngaithla reng<," tiin, "Ram leh hnam in veina te, ram in hmangaihna avanga in thahnemngaihna lo dawngsawng tur hian kan beng kan chhi reng thin," a ti bawk. Chutih rualin thahnemngaihna te chu ram leh hnam hmasawnna tura awmze nei leh tangkai tur thurawn tha ni zel thei a duh.

"Ram mipuite tan, kan thalaite tan hian ram hmasawnna nasa zawk thlen turin theihtawp kan chhuah zel dawn a. Harsatna avanga kan tum ang a hlawhtling nghal theilo a nih pawhin kan tum tihlawhtling tur hian nasa zawka ke pen zel kan tum tlat a ni," tiin a tarlang bawk.