ZALEN March 26, 2025; Hitachi chesual-ah a khalhtu (operator) tlangval kum 23 mi a boral

ZALEN thudawn danin, Aibawk leh Sabual inkara hnathawk Lalchhuangzela (23) s/o H Lalremliana (L), Thinglian, Serchhip district chu nimin (25.3.5) tlai dar 6 bawr vel khan ama khalh hitachi in a chesual a, kawng thlangah lumin, a hmunah a boral a ni.

A boral dan hi hmutu an awm lo a, rin danah chuan a kawng laih in a dawl loh vanga kawng thlanga lum ta nia rin a ni.

Tlai lama a haw hun turah a haw loh avang leh phone tlang theih a nih loh avangin a chanchin ngaihvenin an kal a, a chesual tih hi an hre chhuak a ni.

A ruang hi vawiin chawhma lamah postmortem tih niin, vui hman a nih chuan vawiin-ah an khua Thinglian-ah vui a ni ang.