DOWNLOAD OUR APP

Read latest news on your phone
app-store
HIV kan ngaihven tlan a ngai -Health Minister
Nov 03, 2019

Aizawl: Health Minister Dr. R. Lalthangliana chuan, "AIDS/HIV-ah kan dinhmun chhe lutuk hi kan ngaihvena engtin nge kan insiam that ang tih kan ngaihtuah tlan a ngai a ni," a ti.

National Health Mission, Mizoram in ni 3 chhung awh Review on Health Programmes under NHM kharna inkhawm Zirtawpni kaltaa Taxation Auditorium, MINECO-a neih ah khuallian nia he thu hi sawiin Health Minister chuan sawrkarin hriselna huanga hmalakna a dah pawimawh em avangin ama hovin Health Department hnuaia hmalakna zawng zawngte chu hun remchang hmasa berah ennawn that leh a ni dawn tih a sawi a. Health Indicator pawhmawh tak, hriselna kawnga tehfunga hman ber pahnih IMR leh MMR-ah te India rampum dinhmun nena khaikhin chuan Mizoram chu a tha sawt viau tih sawiin hei hi thawktute inpekna rah a ni, a ti.

Meeting kharna hunah hian damdawiin lian leh te zinga hnathawk tha te hnenah lawman sem a ni a. Lawmman dawngtute chu Sub Centre thaber : Serkawr SC, Primary Health Centre thaber: Sangau PHC, Community Health Centre thaber: Biate CHC, Sub-district Hospital thaber : Kulikawn SDH leh District Hospital thaber : Aizawl Civil Hospital te an ni a. Special Award, SNCU, Aizawl Civil Hospital in a dawnga, Outstanding Performance Award, Aizawl East District leh Best Performing District, Aizawl East District bawk ten an dawng a ni.

India leh Myanmar Border Fencing
India leh Myanmar ramri hung tum chungchang hi eng nge i ngaihdan?
Hung hi tha ka ti lo
Hung se ka ti
Ngaihdan ka nei lo

Latest News & Chhiar Hlawh