May 23, 2023; Mizoramah HIV/Aids vei hmuh chhuah mi 28,344 awm tawhin, thihpui mi 4,227 an awm tawh.

Mizoram State Aids Control Society (MSACS) chhinchhiah danin, kum 1990 atanga kumin March thleng a HIV/Aids vei hmuh chhuah tawh zawng zawng zingah hmeichhia aiin mipa an tam a, kum 25-34 ah hmuh chhuah tam berin, mipa 7,863 leh hmeichhia 3,055 an awm tawh.

Kum 14 hnuai lamah hmeichhia 352 leh mipa 368 hmuh chhuah awm tawh bawkin, kum 15-24 ah hmeichhia 1,825 leh mipa 3,860, kum 35-49 ah hmeichhia 2,606 leh mipa 4,519, kum 50 chung lamah hmeichhia 555 leh mipa 956 HIV/Aids vei hmuhchhuah an awm tawh bawk.

Kum liam ta 2022-23 chhung khan thisen endik 54,904 endik atangin HIV+ 2,233 (4.1%) hmuh chhuah an awm. HIV/Aids thihpui mi 4,227 zinga 2,764 te chu mipa an ni a, hmeichhia 1,392 awmin, an zinga 71 te chu naupang an ni.