Aizawl: Robert Romawia Royte, Minister of State chuan, “Hlawhtlinna leh chawmawina hi chapo nan hmang lovin inrintawkna neihna tur a ni a, veng khat topper chuan Mizoram chauh ni lovin India ram thlenga lang chhuak thei turin theihna a nei a, a mamawh chu inrintawkna a ni,” tiin Republic Veng YMA-in an veng chhunga?zirlai tithate chawimawina hun nimina a hmanpuinaah a zirlaite fuih nan a sawi.

Robert Romawia chuan veng khat topper ni tan IAS te, doctor te, engineer te nih a huphurh awm loh a, hna thawh tura taima tan chuan a harsa loh thu sawiin hna hmu tlak tura zir a ngaih thu a sawi bawk.

Robert Romawia chuan, “Zirna hi ram leh hnam humhalhna atana pawimawh ber a ni a, hnam dang ngam a, kan thu hnuaia kan dah na awlsam ber a ni. Mizo hnam kal zel nan thalai lehkha thiam an pawimawh,” a ti bawk.

Republic Veng Branch YMA hian veng chhung bika HSLC leh HSSLC Science, Arts & Commerce tithate hnenah citation leh pawisa fai hlanna hun hmangin Minister hi a khuallian a ni a ni.

Republic Veng hian 2020 HSLC-a pahnihna an nei a, HSSLC (Arts)-a Mizoram puma 9-na an nei bawk an nei bawk a ni.