Aizawl: Union Home Minister Amit Shah chuan nimin khan Raj Bhavan ah Chief Minister Zoramthanga nen inkawmin Mizoram mamawh hrang hrang an sawi dun.

Chief Minister chuan Union Home Minister hnenah Citizenship Amendment Bill chungchang te, Mizoram Border Guard force a battalion pahnih dah te, Mizoram tan All India Services cadre hran neih ve a tul na te a sawi a. India sawrkarin Hindi tawng a ngaih pawi-mawh chhoh zelah Mizoram chuan Hindi zirtirtu a mamawh thu leh hemi kawnga harsatna state-in a thawhte thlenin, Special Financial Assistance a sum dah belh te, Mizoram leh north east pum hmasawnna tura rua hman tangkai a tul thu te a sawipui.

India leh Myanmar inlaichinna te sawi dun bawkin, Mizoram chu ram dang pahnih dep a awm a nih avanga Mizoram chuan international relations-a pawimawhna a neih thu te Union Home Minister leh Chief Minister hian an sawi dun a. HM Amit Shah chuan Mizoram chu kum tam tak state ralmuang berte zinga mi a nih avangin state dang buaina tawkte tan pawh entawntlak a nih thu te a sawi a. Citizenship Amendment Bill chungchangah chuan lehkha thehluh ni se tiin, Chief Minister thu thlen dangte pawh a lo ngaihtuah zui tur a sawi bawk a ni.