Aizawl: Home Minister Lalchamliana chuan Zirtawpni khan District Jail, Kolasib-ah mi 32 awm theihna tur a sak Male Barrack a hawng a, District jail te fangkualin thawktu te leh Jail tang te a kawm.
Home minister chuan tangte chu Jail-a an awm chhungin insiamthat tum a tangkai tak a an hun te hmang thin tur a chahin Mizoram sawrkarin Jail chu tangte hremna ni lovin tangte tan a insiamthatna hun tha leh enzawnna tlak thiamthil an zirchhuah theihna hmun ni turin hma a lak mek thu a sawi.
Minister hian Fire & Emergency Service Station, Kolasib tlawh bawkin thawktute a kawm a, an hnathawh dan leh harsatna awm te sawi ho niin hmalak dan tur te rel a ni.