January 6, 2022; Hmanraw thalo hman vangin Lawngtlai leh Kawlchaw inkar National Highway siam mek a lungrem thenkhat chu Central Young Lai Association (CYLA) kumpuan committee hruaitute hmuh laiin, hnathawktu company ten an thiat.

Nimin khan CYLA kumpuan committee hruaitute  chuan Lawngtlai leh Kawlchaw inkar National Highway siammek chu a hmun a tlawhin Upper Saikah thleng an kal a, helai kawng siamtu PMPL-SRC (Joint Venture) te nen nikum November ni 19 a joint meeting an neih ah CYLA hruaitute chuan hmanraw tha chauh hmang tur leh, an lungrem tawhte chu rintlak a nihloh vangin hnathawhleh tur chu plumb concrete hmang turin thutlukna an siam tawh a, hei hi CYLA kumpuan hruaitute chuan nimin khan enzuiin, hna an thawh tharte chu concrete hmang lovin, holam takin lung an rem tih an hmuchhuak a, he hnathawktu company te chuan kumpuan hruaitute hmuhlai hian an hnathawhsa chu khawl hmangin an thiat.

Nimin a lungrem thiat hi hmun thum ah niin, karleh lam hian enzui tur hmabak awmte CYLA kumpuan hruaitute chuan en leh an tum a, Lairam chhungah rotling hna thawh a nihtheih nan theihtawp chhuah a hmalakzel an tum thu kumpuan hruaitute chuan an sawi.