Aizawl April 26, 2024 : Thelma Nanteii Pachuau Mission Veng-in hmeichhia thlem ching leh zahmawh tenawm tak tak a hmeichhiate chhaih buai thin tua a puh chu Cyber Crime police te'n an chhui fiah hnuin, Nizan 5:30.pm vel khân man a ni.

Cyber crime lam hian February ni 9 khan complaint hi an dawng a, chumi chu bawhzuiin chhui a nih hnuah Thangthiauva nia insawi chu man a ni a, Facebook name pawh a hming tak tho hi a hmanga a ni. Amah hi Pathian rawngbawltu anga vâk kual thin a ni. Myanmar lam atanga lo chhuk niin, Rawngbawltu anga lang siin hmeichhiate tenawm tak tak a chhaih a thlem thin a ni, Vawiin ni 26 hian Court ah hruai anih hnuin Central jail-ah thawn liam a ni.

Thelma Nanteii chuan a hmeichhiatpuite, hetiang mi an lo tawng anih pawh a, zam miah lova report thin turin a ngen a. Anmahni a report mai an ngam loh pawhin puih zel a inhuam thu a sawi.