Aizawl: MHIP Sub-Hqrs. Lawngtlai te chuan tunhnaia Siaha nula, mawilo taka thlalaksak a thehdarhtu a puh chu dan angin, hremna a na thei ang ber pek an phut thu an sawi.

MHIP Sub.Hqrs. Lawngtlai hian nimin khan Emergency Executive Committee Meeting neiin hmeichhe saruak thlalak Social media a thehdarh a ni chu pawi an tiin, hmeichhiate zahawmna tichhe zawng chetna chu a tawpthleng an do tlat tur thu an sawi a, tunhnu ah hetiang thil, hmeichhia te zahawmna tichhe thei ang chi reng reng thleng tawh lo se an duh thu an sawi.

MHIP Sub.Hqrs. Lawngtlai te hian Siaha nula, thlalak thehdarhtu chungchang ah Chief Judicial Magistrate, Lawngtlai hnen ah ziak a ngenna Zirtawpni khan thehlutin, Siaha nula mawilo taka a thlalak thehdarhtu leh diriam taka khawihtu a puh chu dan anga na taka hrem an duh thu leh bail a chhuah lo turin an ngen a, MHIP te hian Lawngtlai S.P chu hmeichhe zahawmna tichhetu chu a phu tawk anga na taka hrem a nih theih nan a rang thei ang bera investigation zofel tur leh chargesheet thuai turin ziakin an ngen bawk.