Aizawl September 9, 2023 : Champhai North bialtu MLA leh Vice Chairman, H&FW Board Dr ZR Thiamsanga chuan vawiin khan Hnahlan Police Beat Post ruahman thar a hawng.

Hnahlan Police Beat Post hawn thar hi Hnahlan Tlangnuam Veng-a awm tura ruahman niin, a bultan nan Head Constable Ramhmingthanga hovin thawktu police paruk post an ni a. Hnahlan Police Beat Post hian khaw pakua - Hnahlan, Khuangphah, Vaikhawtlang, Vapar, N,Diltlang, Murlen, Tualcheng, Lungphunlian, Selam te a huam a. 

Hnahlan hi Free Movement Regime hnuaiah Myanmar leh India khua leh tui te luh leh chhuahna hmun Entry and Exit Point tur atan Sawrkarin a ruat  bawk a ni.

Vawiin hawnna inkhawm ah hian Sawrkar official, khawtlang hruaitute, tlawmngai pawl hrang hrang aiawhte an tel a. Rev V. Lalmuanpuia, PCI Pastor chuan hunserh hmangin, Lalmalsawma Hnamte, Addl SP Champhai District in report a pe a, Lalremruata Cherput, VCP Hnahlan, Chawnglianmawia, President Joint YMA Hnahlan ten thu an sawi bawk a ni