Aizawl February 1, 2024: Vawiin khan Chief Minister Lalduhoma chuan a office-ah Hnahlan Grape Farming & Processing Cooperative Society hruaitute a kawm a, grape buaipuitute hian CM chu dan anga Grape Wine an zawrh theih chhan nia an hriat thu an hrilh.

Hnahlan Grape Farmers & Processing Cooperative hruaitute hian Lalduhoma hnenah hian, amah vanga dan anga Grape Wine te zuar leh thei an ni tih an inhriat thu an hrilh a. Vawiina an hmuh chhan ber pawh lawmthu sawi turin a ni, tiin Chief Minister an hmuh chhan an sawi a ni.

Chief Minister hian, grape chin chu chhungkaw tam takte eizawnna pawimawh a nih tawh avangin an hmalaknate hi tihpuitlina tihlen zel a tul a. Wine siamna plant tilian tura ruahmanna siam mek pawh hi Industries Department kaltlangin an bawhzui ang a, tihhlawhtlin ngei an tum ang, tiin an dilna sawrkarin a bawhzui tur thu a lo hrilh a. Wine vendors license chungchang pawh sawrkarin chik zawka a lo zir tur thu a hrilh a ni.