Hnahlan leh Champhai winery-in grape an lei tan
![](https://zalen.s3.ap-south-1.amazonaws.com/images/news/1721475961_Grape.jpeg)
Aizawl July 21, 2024 : Hnahlan leh Champhaia winery-a her turin kuthnathawkte grape lei tan leh a ni a. Nikum lama grape tui hralh zawh loh an la neih nual avangin eng zat nge winery pahnih hian an lei theih dawn an la hre lo.
ZALEN-in Hnahlan Grape Growers & Processing Cooperative Society hruaitute hnen atanga thu a dawn danin Nilaini kalta atang khan kuthnathawkte grape hi an lei tan a. Grape hi winery-ah kg khat Rs. 60 zela leiin a theih chin chinah grape man hi pek tlak nghal zel a ni a, kuminah hian quintal 1,000 vel lei theih an inbeisei tih an sawi.
Champhai Grape Growers Society pawhin kuthnathawkte grape hi quintal 200 dawn chu an lei tawh tih ZALEN an hrilh a, kuminah hian quintal 1,500 vel lak an beisei tih sawiin grape hi lo neitute huanah kg khat Rs. 44 hisapin an leisak tih sawiin pawisa erawh an payment thei lo niin an sawi.
Champhai Grape Growers Society hruaitute chuan grape tui sawr sa litre 1,40,000 vel hralh loh an la nei tih sawiin nikum lama grape an lakna pawisa pawh an la pe thei lo niin an sawi a. An tum anga thil a kal tluan chuan August thla tirah a man chanve pein September-ah a la bâng pe lehin grape man an bat nuai 58 vel chu pek tlak theih an beisei a. October thla velah kumina an lakna sum hi pek theih an beisei tih an sawi bawk.
Hnahlan leh Champhai grape hruaitute chuan vendor-ten grape an lak that loh avangin a hralh kawngah harsatna an tawk tih ZALEN an hrilh a. “Vendor lisence nei 40 chuang an awm laiin, a zuar tak tak hi mi panga emaw chauh an ni a. Lisence chang lo, zuar duh si eng emaw zat an awm lawi si a. Wine rule peih fel har a ni khan hralhna hun a tikhawtlai a, kuminah erawh chuan mumal zawka hralh theih tawh kan beisei a ni,” tiin Grape Growers Society hruaitute chuan an sawi bawk.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024