ZALEN April 14, 2026 : Hnahthial Excise and Narcotics Department chuan tukin zing dar 05:00 vel khan Khawhri leh Thingsai inkarah Heroin No. 4 hawng 16 (grams 189) tualchhung hralhna rate chuan cheng nuai sarih leh sing hnih (Rs. 7,20,000) man hu vela chhut chu an man. 

Heroin phurtu leh neitu ni ngeia hriat, Laihrethanga kum 28 s/o Vawmkaithanga, Siahatla chu man in a phurhna lirthei, Mahindra Bolero Maxx Pickup, MZ 03A 1593 chu man tel bawk a ni. ND&PS Act hnuaiah Case siamsak niin Judicial Magistrate Court hma a in lan turin Lunglei lamah thawn nghal a ni.

Excise and Narcotics Department, Hnahthial Officer in Charge C. Lianchungnunga chuan an thu dawn bawhzuiin nizan khan Khawhri VC leh YMA hruaitute nen an duty thu sawiin tlaivara an duty hnuah zing dar 5:00 khan an man tak thu a sawi a ni. Laihrethanga statement atanga a lan danin heroin an man sak tak hi Duha, Ralpel, Myanmar ami ta niin Hnahthial leh Lunglei lama sem darh tura tih a ni.