ZALEN July 22, 2025 : Chief Minister hlui Zoramthanga leh Er. H. Lalzirliana, MLA te thaha vautu Rodinliana (39), Khawzawl leh Chanchinmawia (49), Lungleng Veng, Hnahthial te thiamchan chungchang ZALEN News (Facebook), ZALEN News (Instagram) leh www.zalen.in bakah Vanglaini leh Social media hrang hranga tarlan chungchangah Hnahthial Lungleng Veng chuan Chanchinmawia (49) s/o Lalawia (L) chu an veng mi a ni lo tih thuchhuah an siamah an tarlang.

Young Mizo Association Lungleng Branch : Hnahthial chuan July 21, 2025 khan a hnuai a mi ang hian thuchhuah an siam.

Ni 19.07.2025 (Inrinni) Vanglaini Daily Newspaper VOL-XL NO.168 chhuak ah te, Zalen News Instagram leh Facebook Page-ah leh Social Media Chanchinthar Page hrang hrang a an tarlan, "Kan Chief Minister hlui Pu Zoramthanga leh Mamit bialtu MLA Pu H. Lalzirliana thah tumtu a puh Chanchinmawia (49) s/o Lalawia (L), Hnahthial Lungleng Veng" ti a an tarlan hi, keini Lungleng Veng, Hnahthial khawtlang mipuite chuan kan veng mi leh sa a ni lo tih kan rawn tarlang a, diklo taka kan veng hming a chhe zawnga a thang hi Lungleng Veng khawtlang mipuite rilru a na hle a, hetiang mi hi kan vengchhung ah an awm lo a ni tih kan rawn tarlang e.

Tin, amah Chanchinmawia ngei pawh Phone Call hmanga contact a ni a, a address diktak hi Zohnuai, Lunglei ngei a ni tih a sawi a, hemi chungchang a Address tihsual palh a awm hi keini Lungleng Veng khawtlang mipuite chuan pawi kan ti in kan dem takzet a ni.