ZALEN May 1, 2025; Lalthianghlimi, Ramhlun North chuan Holy Bible vawi 12 a ziak chhuak tawh. Ani anga Bible ziak chhuak ngun hi khawvel huap pawhin an awm a nih pawhin tam an awm a rinawm loh. 

Bible a ziah chhuah hmasak ber chuan ni 428 a ziak a, a bu hnihna chu ni 299 chhung ziakin, a bu thumna chu ni 384, a bu li-na ni 335, a bu ngana ni 254 leh a bu rukna chu ni 165 chhungin a ziak zo hman. A bu sarihna-ah ni 206 hmangin, a bu riatna-ah ni 194, bu kuana-ah ni 256, bu 10 na-ah ni 193 leh bu 11 na-ah ni 189 leh bu 12 na-ah ni 197 ziah nan a hmang. Bible ziah nan hian ball pen 738 zet a hmang tawh a ni.

Mathiangi hian ZALEN a lo hrilh tawh danin, July ni 7, 2015 khan Bible ziah chhuah tumin bul a tan a, chutih lai chuan nau hnute hne lai a pawm nghe nghe a. 15.4.2025 khan a vawi 12 nan Holy Bible hi a ziak chhuak a ni.

Kum 10 chhunga Holy Bible vawi 12 ziak chhuak thei Mathiangi hi Mizo zingah chuan Bible ziak chhuak hnem ber a nih ngei a rinawm a, khawvel huapah pawh ani aia ziak chhuak hnem hi an awm kher ang em? An awm a nih pawhin tam an awm a rinawm loh.